1906 წელს ბათუმის სკოლის მე-3 განყოფილების მოსწავლეებმა ისწავლეს „დედა ენა“, რომლის პროგრამაც გასულ წელს არ დაუსრულებიათ. ასევე ისწავლეს ცხრა არაკი და ლექსები, სურათის აღწერა, მეტყველების ნაწილები, სამშობლოს აღწერა, მათემატიკიდან – ოთხივე მოქმედება, ზომის ერთეულები, ამოცანები ქართულად და რუსულად, „ბუნების კარიდან“ – 12 ლექსი, საღვთო სჯულიდან – ძველი აღთქმა და რამდენიმე ტექსტი ახალი აღთქმიდან. ბათუმის სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი