1906 წელს ძველი სენაკის სათავადაზნაურო სკოლაში მასწავლებელთა გაფიცვის გამო სწავლა დაიწყო 6 ოქტომბერს, 13 იანვარს – შეწყდა, 3 მარტს – განახლდა, მაგრამ ყველა მასწავლებელი არ გამოცხადდა. მასწავლებლების სიმცირის გამო გასულ წლებთან შედარებით მოსწავლეების რაოდენობაც შემცირდა. პირველ განყოფილებაში 14 მოსწავლე იყო, მე-2 განყოფილებაში – 43, მე-3-ში – 30, მე-4-ში – 31, სულ – 118 მოსწავლე. ძველი სენაკის სათავადაზნაურო სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით გიორგის ძე კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი