1906 წელს ბათუმის სკოლის მე-4 განყოფილების მოსწავლეებმა რუსული ენის სახელმძღვანელო 100 გვერდამდე ისწავლეს; ათი არაკი და ლექსები – 14 გვერდამდე; წაიკითხეს ლევ ტოლსტოის პირველი და მე-2 წიგნი; გრამატიკიდან ისწავლეს მეტყველების ნაწილები; შეეძლოთ ზამთრის სურათის აღწერა; მათემატიკიდან იცოდნენ ოთხივე მოქმედება, შედგენილი რიცხვები, ამოცანები შეკრება-გამოკლებაზე; სამშობლოს აღწერიდან – დასავლეთი საქართველო; საღვთო სჯულიდან – ძველი აღთქმა და თორმეტი დღესასწაული, მთავარი ლოცვები როგორც ქართულ, ასევე რუსულ ენაზე და ქართველ წმინდანთა ცხოვრება: წმ. ნინოს, ანდრია მოციქულის, დავითისა და კონსტანტინესი. ბათუმის სკოლის დათვალიერების შესახებ 1906 წლის 10 ივნისის მოხსენებას ხელს აწერს დავით გიორგის ძე კარიჭაშვილი.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი