1898 წლის 12 ივნისს გაიმართა ქართველთა შორის წერა-კითხვის გამავრცელებელი საზოგადოების მეცხრამეტე სხდომა. სხდომაზე გამგეობას თხოვნით მიმართა ვასილ როინაშვილმა, რომ მიეყიდათ მისთვის ბიძამისის ალექსანდრე როინაშვილის მიერ საზოგადოებისთვის ნაანდერძევი ფოტოგრაფია. აღნიშნულ საკითხთან დაკავშირებით გამგეობამ განაცხადა, რომ ვასილ როინაშვილს პასუხს ვერ გასცემდნენ, რადგან ჯერ არ დაუმტკიცებიათ ანდერძი და საზოგადოებასაც არ ჩაუბარებია ნაანდერძევი. ანდერძის წარდგენა დასამტკიცებლად დაავალეს ალექსანდრე ჭყონიას.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომის ოქმები | 1897-1898
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი