1918 წლის 20 ნოემბერს გამართულ საქართველოს ეროვნული საბჭოს საკონსტიტუციო სხდომაზე გაიმართა მსჯელობა, რომელშიც მონაწილეობდნენ: ს. დადიანი, რ. არსენიძე, კ. მაყაშვილი, მარიამ ჩხეიძე, პ. საყვარელიძე და მომხსენებელი გ. ნანეიშვილი. გადაწყდა მუხლობრივი წაკითხვა. ლ. ნათაძემ წამოაყენა წინადადება, არსებითი განხილვა გამართულიყო შემდეგი სხდომისათვის, რომელსაც კომისიის წევრთა მომატებული შემადგენლობა დაესწრებოდა. მ. ჩხეიძემ განაცხადა, რომ მომავალი კრებისათვის მოეწვიათ ფინანსთა სამინისტროს წარმომადგენელი. მდივან პ. საყვარელიძეს დაევალა სისხლის სამართლისა და ფინანსების შესახებ მასალების გადახედვა და შესწორება, რომელიც უნდა გადაეგზავნა წევრებისთვის წინასწარ საკითხის გასაცნობად.

წყარო: საქართველოს დემოკრატიული რესპუბლიკის პარლამენტი | ფონდი 1836 | აღწერა 1 | საქმე 201
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი