ჯულფა-ბაქოს სამხედრო რკინიგზის მუშა-მოსამსახურეთა დროებითმა ცენტრ. აღმასრულებელმა კომიტეტმა 1918 წლის 8 იანვარს წერილი გაუგზავნა სამხედრო მინისტრის საქმეთა კომისარს და სთხოვა, სასწრაფოდ ეპასუხათ, სამხედრო უწყება აძლევდა თუ არა სანქციას ცენტრალური კომიტეტის გადაწყვეტილებას უბედური შემთხვევების და გაძარცვული მოსამსახურეებისთვის ზარალის ასანაზღაურებლად დახმარების გაცემის შესახებ. უარყოფითი პასუხის შემთხვევაში, მოსამსახურეები იძულებულები გახდებიან, დაუყოვნებლივ დატოვონ სამსახური. ამ საკითხის გადაწყვეტის დაყოვნების შემთხვევაში კი მოსალოდნელია გართულებები. კომიტეტი აფრთხილებს, რომ თუ მის ხმას არ გაიგონებენ, პასუხისმგებლობას იხსნის. წერილს ხელს აწერს კომიტეტის თავმჯდომარე ეკოევი.

წყარო: ჯულფა-ბაქოს სამხედრო რკინიგზის სალიკვიდაციო კომისიის სხდომათა ოქმები, მოხსენება და მიმოწერა ზემოხსენებული რკინიგზის მშენებლობის საქმეთა ლიკვიდაციის საკითხის შესახებ | 1918-1918
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი