1914 წლის 6 მაისს ქართველთა შორის წერა-კითხვის გამავრცელებელი საზოგადოების გამგეობის მდივან ვარლამ ბურჯანაძეს ცხინვალის მაცხოვრებელმა არჩილ დედანაშვილმა მიმართა შემდეგი კითხვებით: საწევრო 99 მანეთის წარდგენის შემდეგ რამდენ ხანში მიიღებდნენ ცხინვალელები განყოფილების გახსნის ნებართვას? განყოფილების გახსნისთანავე ამოქმედდებოდა თუ არა სამკითხველო, ანუ გამოუწერდნენ თუ არა განყოფილებას გაზეთებს საზოგადოების ხარჯზე? განყოფილების გახსნასთან დაკავშირებით ხომ არ იქნებოდა დაბრკოლება საზოგადოების ან მთავრობის მხრიდან? გამგეობას ამ კითხვებზე რაც შეიძლებოდა სწარაფად უნდა გაეცა პასუხი , რადგან ცხინვალის მაცხოვრებლებს განყოფილების გახსნა ზაფხულის სეზონისთვის სურდათ.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა ცხინვალის განყოფილებასთან და მოხსენებები განყოფილების მუშაობის შესახებ | 1908-1920
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი