1909 წლის 12 ნოემბერს ქართველთა შორის წერა-კითხვის გამავრცელებელი საზოგადოების მთავარ გამგეობას თელავის განყოფილების გამგეობის თავმჯდომარის ამხანაგმა ვასილ კახიძემ და გამგეობის მდივანმა თამარ აბაშიძემ სთხოვეს 1908 წლის ზაფხულში თამარა ალექსანდრეს ასული აბაშიძის სახელზე გამოგზავნილი ათი ყულაბის თელავის განყოფილებისთვის დათმობა. ამ ათი ყულაბიდან ხუთი უკვე დარიგებული ყოფილა სხვადასხვა ოჯახში ფულის მოსაგროვებლად, ხუთი კი ინახებოდა თამარ აბაშიძის მეუღლესთან. თელავის განყოფილება ასევე სთხოვდა მთავარ გამგეობას ფულს, რომელიც ყულაბებში აღმოჩნდებოდა. თუ ეს არ იქნებოდა შესაძლებელი, თელაველები ფულს მთავარ გამგეობას გაუგზავნიდნენ, ყულაბებს კი დაიტოვებდნენ.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი