1908 წლის 18 ოქტომბერს ქართველთა შორის წერა-კითხვის გამავრცელებელი საზოგადოების მთავარმა გამგეობამ ვასილ კახიძეს აცნობა, რომ 31 აგვისტოს დადგენილება საზოგადოების თელავის განყოფილების დაარსების შესახებ წესისამებრ არ იყო შედგენილი. ადგილობრივ განყოფილებათა ინსტრუქციის თანახმად, განყოფილების დასაარსებლად საზოგადოების არანაკლებ 30 ადგილობრივი წევრის თანხმობა იყო საჭირო, ამიტომ საზოგადოებაში 30 პირი უნდა ჩაწერილიყო, გადაეხადათ საწევრო, შემდეგ კი საზოგადო კრების მიერ დამტკიცებული პირები შეიკრიბებოდნენ და ინსტრუქციის დამატებაში ნაჩვენები ფორმის მიხედვით შეადგენდნენ დადგენილებას განყოფილების დაარსების შესახებ.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი