1921 წლის 27 ივნისს ქართველთა შორის წერა-კითხვის გამავრცელებელი საზოგადოების მთავარ გამგეობას დ. კარიჭაშვილმა მოახსენა თავისი მოსაზრებები საზოგადოების წევრ თ. კიკვაძის განცხადებებთან დაკავშირებით. მისი თქმით, ტყული იყო, რომ რწმუნებულთა კრების მოწვევა თავმჯდომარის წინადადებით გადაიდო. კიკვაძე ითხოვდა კრების 20 ივნისისთვის დანიშვნას. კარიჭაშვილი დაემორჩილა საზოგადოების წესდებას, რომლის მიხედვით, რწმუნებულთა კრება უნდა დანიშნულიყო საზოგადო კრებამდე ერთი თვით ადრე. ვინაიდან რწმუნებულებიც კი არ იყვნენ არჩეულნი, რწმუნებულთა კრების დანიშვნა სრული უაზრობა იქნებოდა. აქ არ იყო ლაპარაკი არანაირ გადადებაზე. კარიჭაშვილის თქმით, ის მოქმედებდა კანონიერად და ამ წესებს არასგზით არ დაარღვევდა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1921-1921
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი