1912 წლის 7 ივლისს ქართველთა შორის წერა-კითხვის გამავრცელებელი საზოგადოების თელავის განყოფილების წლიურ კრებაზე განიხილეს ქეთევან ივანეს ასული რუსიშვილის წერილი. რუსიშვილი უარს აცხადებდა გამგეობის წევრობაზე, რადგან უმეტესად თბილისში უხდებოდა ცხოვრება. მიუხედავად ამისა, კრებამ იგი ერთხმად აირჩია გამგეობის წევრად როგორც ფრიად სასარგებლო პირი და დაადგინა, მისთვის გამგეობაში დარჩენა ეთხოვათ.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი