1912 წლის 21 მაისს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ ამცნო, რომ იმ წლის 29 მაისს თბილისის ოლქის სასამართლოს ქ. თელავში უნდა გაერჩია ელისაბედ ვილკევიჩის საჩივარი ილია ზარაფიშვილის ქვრივი სოფიოსადმი, რომელსაც ვილკევიჩის 2000 მანეთი მართებდა. ამ ფულის ანაზღაურებას მომჩივანი ითხოვდა სახლით, რომელიც განსვენებულმა ზარაფიშვილმა წერა-კითხვის საზოგადოებას უანდერძა. საქმე პირველად 1911 წელს განუხილავს თელავის მომრიგებელ მოსამართლეს და მომჩივანი უარით გაუსტუმრებია. თელავის განყოფილება სთხოვდა მთავარ გამგეობას ხსენებული საქმის გარჩევის დღეს გაეგზავნა თელავში საზოგადოების ინტერესების დამცველი ვექილი, რომლის მგზავრობის ხარჯებსაც ადგილობრივი განყოფილება დაფარავდა. დოკუმენტს ხელს აწერენ თელავის განყოფილების თავმჯდომარის ამხანაგი ვ. კახიძე და მდივანი ზ. მარკოზაშვილი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი