1912 წლის 27 სექტემბერს ქ. შ. წ. კ. გ. საზოგადოების მთავარმა გამგეობამ მოისმინა გამგეობის წევრ იპ. ვართაგავას მოხსენება საზოგადოების თელავის განყოფილების სკოლის დათვალიერების შესახებ. ვართაგავამ ისაუბრა იმ საკითხებზე, რომელთა გადაჭრაც აუცილებელი იყო ახალ სასწავლო წელს. მისი აზრით, სასურველი იყო მხატვრებს დაეხატათ ქართული სოფლის ცხოვრების ამსახველი სურათები (მკა, თესვა, განიავება, ხვნა), თავის ტილოებზე გამოესახათ შრომის იარაღები, ფრინველები, ცხოველები. თელავის სკოლას კი ჰქონდა ცხოველთა სურათები, მაგრამ ისინი არცთუ ზუსტი იყო, ანუ ადგილობრივი ცხვარი და კურდღელი განსხვავდებოდა სხვა კუთხეებში მობინადრე ცხოველთა ამ სახეობებისგან. ამას დიდი მნიშვნელობა ჰქონდა ბავშვებისთვის.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი