1912 წლის 27 სექტემბერს ქ. შ. წ. კ. გ. საზოგადოების მთავარმა გამგეობამ მოისმინა გამგეობის წევრ იპ. ვართაგავას მოხსენება საზოგადოების თელავის განყოფილების სკოლის დათვალიერების შესახებ. ვართაგავამ მსმენელებს გააცნო პროგრამა, რომლითაც მასწავლებლები ხელმძღვანელობდნენ წლის განმავლობაში. ანგარიშში მოსწავლეებს უსწავლიათ მიმატება, გამოკლება, გამრავლება და გაყოფა ოცის ფარგლებში, ათეულის თვლა, ზომები: ლიტრი, კილო, გირვანქა, ფუტი, საჟენი, არშინი (ახსნა-განმარტების პროცესში მასწავლებელი თვით საგნის ან მისი გამოსახულების დემონსტრირებას ახდენდა). ბავშვებს ასევე უსწავლიათ მანეთის დახურდავება აბაზიანებად, შაურიანებად, უზალთუნებად და კაპეიკიანებად.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი