1912 წლის 27 სექტემბერს ქ. შ. წ. კ. გ. საზოგადოების მთავარმა გამგეობამ მოისმინა გამგეობის წევრ იპ. ვართაგავას მოხსენება საზოგადოების თელავის განყოფილების სკოლის დათვალიერების შესახებ. ვართაგავას თქმით, სკოლა მოთავსებული იყო დარია შიუკაშვილის ერთსართულიან სახლში, სასამართლოს ქუჩაზე. იმ დროისათვის სკოლას დაქირავებული ჰქონია სამი ოთახი, მომავალში აპირებდნენ ხუთი ოთახის დაქირავებას. ორი ოთახი დაეთმობოდა განყოფილებებს, ორი ოთახი – მასწავლებლებს, ერთიც – ბავშვებს, იმ დღეებისთვის, როცა გარეთ ვერ შეძლებდნენ გასვლას უამინდობის გამო. სკოლას გააჩნდა ფართო აივანი, ეზო, სამზარეულო, მოსამასახურეების ოთახი და სარდაფი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი