1912 წლის 30 ივლისს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ გაუგზავნა გამგეობის 1912 წლის მოქმედების ანგარიშის მეშვიდე მუხლის განმარტება. დოკუმენტიდან ირკვევა, რომ მომავალში გამგეობას განზრახული ჰქონდა თავისი სკოლისთვის მესამე განყოფილების დამატება, ჭავჭავაძის მამულის მოწესრიგება (თუ თავადაზნაურობა დაეხმარებოდა), ამ მამულში სკოლის ჩადგმა, ბიბლიოთეკის დაარსება, საკვირაო სკოლების გახსნა და სხვ. დოკუმენტს ხელს აწერენ თელავის განყოფილების გამგეობის თავმჯდომარის ამხანაგი ალ. ვახვახიშვილი და მდივანი ი. გორდეზიანი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი