1913 წლის 24 აგვისტოს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ შეატყობინა, რომ 1913 წლის 13 სექტემბერს უნდა ჩატარებულიყო აუქციონი, რომელზეც უნდა გამოეტანათ გარდაცვლილი ილია ზარაფიშვილის სახლები. ამ სახლების გაყიდვა სურდა ქალბატონ ვილკევიჩს, რომლის ვალიც ჰქონია ზარაფიშვილს. ამავე დროს ზარაფიშვილს თავისი სახლები უანდერძებია წერა-კითხვის საზოგადოებისთვის, ოღონდ მხოლოდ ზარაფიშვილის მეუღლის გარდაცვალების შემდგომ. საქმის დაწვრილებითი ვითარება სცოდნია მთავარი გამგეობის წევრ გიორგი რცხილაძეს. დოკუმენტს ხელს აწერენ თელავის განყოფილების თავმჯდომარის მაგივრად ზაქარია ჭავჭავაძე და მდივნის მაგივრად ივანე პაატაშვილი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი