1916 წელს ქართველთა შორის წერა-კითხვის გამავრცელებლი საზოგადოების სენაკის განყოფილების ლეხაინდრავოს ბიბლიოთეკის გამგე იასონ ბართაიამ წერილობით შეატყობინა სენაკის გამგეობას, რომ უმთავრესი მიზეზი ბიბლიოთეკის წინსვლის შეფერხებისა ორ სოფელს შორის კინკლაობა გახდა, თუ რომელი მათგანის ტერიტორიაზე აიგებოდა ბიბლიოთეკისთვის შენობა. ეს სოფლები გახლდათ ლეხაინდრავო და ნაჯახავო. ი. ბართაიას აზრით უკეთესი იქნებოდა თუ შენობას ნაჯახავოს ტერიტორიაზე ააშენებდნენ, რადგან ის ითვლებოდა ორივე სოფლის ცენტრად.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა საზოგადოების სენაკის განყოფილებასთან | 1916-1920
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი