1915 წლის 31 მარტს ქართველთა შორის წერა-კითხვის გამავრცელებელი საზოგადოების თელავის განყოფილების გამგეობამ თბილისის თავად-აზნაურთა დეპუტატთა საკრებულოს შეატყობინა, რომ 1913 წლის 10 აპრილს გამგეობამ წერა-კითხვის გამავრცელებლი საზოგადოების დადგენილების საფუძველზე აღძრა შუამდგომლობა თავადაზნაურობის წინაშე. შუამდგომლობა ეხებოდა თელაველებისთვის 5600 მანეთის გადაცემას ილია ჭავჭავაძის ყვარლის მამულის შესაკეთებლად და მამულში ილია სახელობის სკოლის გასახსნელად. სკოლის შენახვას განყოფილება თავის თავზე იღებდა. დოკუმენტს ხელს აწერენ თელავის განყოფილების თავმჯდომარის ამხანაგი ალექსანდრე ვახვახიშვილი და მდივანი ივანე პაატაშვილი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი