1915 წლის 4 ივლისს ქართველთა შორის წერა-კითხვის გამავრცელებელი საზოგადოების მთავარ გამგეობას თბილისის გუბერნიის თავადაზნაურობის საადგილმამულო კომისიამ ამცნო, რომ 1911 წლის 11 აპრილს საზოგადოების თელავის განყოფილებამ შუამდგომლობით მიმართა თბილისის გუბერნიის თავად-აზნაურთა წინამძღოლს ილია ჭავჭავაძის ყვარლის მამულის მოსაწესრიგებლად თელაველებისთვის 5600 მანეთის გადაცემის თაობაზე. თელავის განყოფილების აზრით, 1800 მანეთი იყო საჭირო მამულის ტერიტორიაზე ქვის ღობის ასაგებად, 300 მანეთი − მამულში მდებარე სახლის შესაკეთებლად, ხოლო 3500 მანეთი − სკოლის შენობის ასაშენებლად და გასამართავად. დოკუმენტს ხელს აწერენ თბილისის გუბერნიის თავადაზნაურობის საადგილმამულო კომისიის თავმჯდომარე გ. ქურდიანი და მდივანი ა. ყიფშიძე.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი