1915 წლის 15 თებერვალს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ გაუგზავნა განყოფილების 1914 წლის გასავლის ანგარიში. დოკუმენტის მიხედვით 1914 წელს ქ. შ. წ. კ. გ. საზოგადოების წიგნის მაღაზიის წინა წლების დანახარჯი იყო 58 მან. 20 კაპ., სოფიო ვახვახიშვილის სტიპენდიატის სწავლის ფული წმინდა ნინოს ქალთა სასწავლებელში − 60 მან., ილია ზარაფიშვილის სახლების საქმეზე თბილისიდან მოწვეული ვექილის გზის ხარჯი − 30 მან., წვრილი ხარჯი (მისალოცი დეპეშები, პანაშვიდები და სხვა) 22 მანეთსა და 83 კაპიკს შეადგენდა, ქ. შ. წ. კ . გ. საზოგადოების თელავის განყოფილების სკოლის დავთარში გადაიწერა 225 მან. 91 კაპ. სულ 1914 წელს დაიხარჯა 396 მან. 94 კაპ. დოკუმენტს ხელს აწერენ განყოფილების გამგეობის თავმჯდომარის ამხანაგი ალექსანდრე ვახვახიშვილი და წევრი-ხაზინადარი ივანე პაატაშვილი.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი