1915 წლის 12 ნოემბერს ქართველთა შორის წერა-კითხვის გამავრცელებელი საზოგადოების მთავარ გამგეობას თბილისის გუბერნიის თავადაზნაურობის საადგილმამულო კომისიის მდივანმა, ანეტა ყიფშიძემ გაუგზავნა თბილისის გუბერნიის სამმართველოს 26 ოქტომბრის სხდომის დადგენილების ასლი. დადგენილების მიხედვით, 1915 წლის 3 ოქტომბერს ყვარლის ბოქაულს შეუსწავლია ილია ჭავჭავაძის მამულში მდებარე წისქვილის მდგომარეობა და შეუდგენია აღწერის ოქმი, რომლის თანახმადაც თავადაზნაურობის საკუთრებაში გადასული წისქვილი სავალალო მდგომარეობაში ყოფილა და ფუნქციონირება შეუწყვეტია.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა თელავის განყოფილებასთან, ოქმები და მოხსენებები განყოფილების მუშაობის შესახებ | 1908-1915
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი