ქართველთა შორის წერა-კითხვის გამავრცელებელი საზოგადოების მაჩხაანის განყოფილების 1915 წლის ანგარიშში აღნიშნულია, რომ სირთულეების მიუხედავად, განყოფილებას იმედი ჰქონდა 1916 წელს წევრები შემოემატებოდა, რადგან საწევრო გადასახადი ერთ მანეთანდე იყო შემცირებული. ამასთან, ქიზიყში იზრდებოდა ღირსეული ახალგაზრდობა, რომელიც მიხვდებოდა, რომ ინტელიგენტობა კაცს მარტო სუფრის თავში დაჯდომას კი არ ავალებდა, არამედ შრომასა და პატარა წვლილის შეტანას სამამულიშვილო საქმეში, ამიტომ გასართობად და საყოყლოჩინოდ არ ჩაეწერებოდა ამ საზოგადოების წევრად. ანგარიშს ხელი მოაწერეს გამგეობის თავმჯდომარემ, მღვდელმა კონდრატე დავითის ძე ნინიკაშვილმა, ხაზინადარმა სოლომონ გრიგოლის ძე კურცხალიამ და მდივანმა ალექსანდრა მიხეილის ასულმა მჭედლიშვილმა.

წყარო: ქართველთა შორის წერა-კითხვის გამავრცელებელი საზოგადოების მიწერ-მოწერა სოფელ ქვემო მაჩხაანის განყოფილებასთან, მოხსენებები და ანგარიშები განყოფილების მუშაობის შესახებ | 1913-1915
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი