1919 წლის 29 მაისს ღარის მთავარანგელოზის ეკლესიის მღვდელმა გრიგოლ მეტრეველმა მიმართა რაჭის მაზრის ერობის გამგეობას, რომ აპრილში სთხოვა მასწავლებლის სამი თვის საშრომი ფული, რომელიც ერგებოდა, როგორც ონის ებრაელთა შვილის მასწავლებლის, ნინო კვიტაშვილის მოადგილეს. სკოლის მეთვალყურე გავაშელმაც დაადასტურა, რომ ის სკოლაში დროებით მასწავლებლად  მუშაობდა და კანონით ეკუთვნოდა თვეში 50 მან. მაგრამ ახალ პირობებში ეს თანხა მისი შრომის დაუფასებლობა იქნებოდა, ამიტომ სათანადო ჯამაგირით დაკმაყოფილებას ითხოვდა.

წყარო: მიმოწერა რაჭა-ლეჩხუმში საკვირაო სკოლების გახსნის შესახებ. ახლადგახსნილი სკოლების მოსწავლეთა სია | 1919-1920
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი