1917 წლის 4 მაისს გაზეთში „ხმა ქართველი ქალისა“ ნინო ნადირაძე აქვეყნებს სტატიას „ქალებო მთელი ქვეყნისა შეერთდით!“, რომელშიც მიმოიხილავს გაზეთ „შრომის“ ორ სტატიას. ის განსაკუთრებით აღნიშნავს ბ. ჯავახის პუბლიკაციას, რომელიც ამბობს, რომ როცა ყველა ერთი მიზნისკენ უნდა მიისწრაფვოდეს, დიდი და პატარა, ქალი და კაცი შეთანხმებულად უნდა მოქმედებდეს, ამ დროს ქართველი ქალები ცალკე საზოგადოებას იარსებენ და ეთიშებიან მამაკაცებს. პასუხად ნინო ნადირაძე წერს, რომ ყველაზე მნიშვნელოვანი საკითხი არის ქალთა ემანსიპაცია, ამის ირგვლივ უნდა შეერთდნენ ქალები განურჩევლად ეროვნებისა, სარწმუნოებისა, მიმართულებისა და სოციალური მდგომარეობისა და მთელი ძალ-ღონით ებრძოლონ დამამონებელ პირობებს.

წყარო: ხმა ქართველი ქალისა, 1917 | 4 მაისი
წყაროს ტიპი: პერიოდიკა
გამოცემის ადგილი: ქ. ქუთაისი
ენა:ქართული
დაცულია: საქართველოს პარლამენტის ეროვნული ბიბლიოთეკა