1917 წლის 21 აპრილს, პარასკევს, ჭიათურაში ჩატარდა ქართველთა შორის წერა-კითხვის გამავრცელებელი საზოგადოების ჭიათურის განყოფილების წლიური კრება, სადაც უნდა აერჩიათ თბილისში, საზოგადოების რწმუნებულთა კრებაზე გასაგზავნი ორი წარმომადგენელი, ორი გამგეობის წევრი და ორი სარევიზიო კომისიის წევრი. ყველა დასახელებული კანდიდატი იყო მამაკაცი და არცერთი ქალი. ერთმა წევრმა ვერ მოითმინა და წინადადება შეიტანა დაესახელებინათ კანდიდატად ერთი ქალი მაინც. საბოლოოდ, ძლივს გადაწყვიტეს ერთი ქალის არჩევა. სტატიას ხელს აწერს "დამსწრე".

წყარო: ხმა ქართველი ქალისა, 1917 | 4 მაისი
წყაროს ტიპი: პერიოდიკა
გამოცემის ადგილი: ქ. ქუთაისი
ენა:ქართული
დაცულია: საქართველოს პარლამენტის ეროვნული ბიბლიოთეკა