1920 წლის 4 ივლისის „ერთობა“ იუწყება, რომ იუსტიციის სამინისტრომ ბათუმში გაგზავნა სასამართლო პალატის პროკურორის მოადგილე ა.კ. ყანჩელი ბათუმისა და ოლქის დროებითი სასამართლოების საქმეების ჩასაბარებლად და ციხეების მისაღებად, ფინანსთა სამინისტრომ – საბიუჯეტო-სახაზინო ნაწილის დირექტორი ა. ი. კანდელაკი ფინანსურ დაწესებულებათა მოსაწყობად და პირდაპირი გადასახადების სამმართველოს განყ. უფროსი სვანიძე და გუნცაძე _ საბაჟო და სააქციზო ნაწილების მოსაწყობად. კანდელაკთან ერთად წავიდნენ ფინანსთა მინისტრის საბჭოს წევრები ვ. მიქაძე და ს. ბაქრაძე.

წყარო: ერთობა, 1920 | 4 ივლისი
წყაროს ტიპი: პერიოდიკა
გამოცემის ადგილი: თბილისი
ენა:ქართული
დაცულია: საქართველოს პარლამენტის ეროვნული ბიბლიოთეკა