გაზეთ „ვოლნი გორეცის“ 1919 წლის №1-ში გამოქვეყნებული ევგენი ჟარკოვსკის სტატია გვამცნობს გროზნოში გამეფებული ანარქიის ერთ-ერთ ფაქტს: ქალაქში ხმა დაირხა, რომ სადგურში ჩეჩნეთისთვის შემოვიდა იარაღი, რომელიც განკუთვნილი იყო სტანიცა კოხანოვსკაიაში დისლოცირებული პოლკოვნიკ მუსალაევის რაზმისთვის. რამდენიმე წუთში თავშეყრილმა ბრბომ იარაღი დაიტაცა, თანმხლებ ჯარისკაცებს კი სასტიკად გაუსწორდა. თანამემამულე მხედრების დახოცვის ამბავი ელვის უსწრაფესად მოედო ჩეჩნურ სოფლებს და იმავე საღამოს უკვე იძარცვებოდა ცეცხლის ალში გახვეული მუშათა სარჩო-საბადებელი. მუშათა და ჯარისკაცთა დეპუტატთა საბჭომ მიიღო რეზოლუცია: ყველა მუშას დაუყოვნებლივ უნდა დაეტოვებინა გროზნო, საბჭოს აღმასრულებელი კომიტეტი კი ბაქოში უნდა გადასულიყო და თან წაეღო ტიპოგრაფია.

წყარო: „ვოლნი გორეცი" ( „ВОЛЬНЫЙ ГОРЕЦ" – „თავისუფალი მთიელი"), №1, 1919 წლის 8 სექტემბერი
წყაროს ტიპი: პერიოდიკა
გამოცემის ადგილი: თბილისი
ენა:რუსული
დაცულია: საქართველოს პარლამენტის ეროვნული ბიბლიოთეკა