ნიკოლოზ ესტატეს (ევსტათის) ძე წვერავა

თევზის სარეწაო ქარხნის მმართველი, თბილისის მეორე კომერციული სასწავლებლის სამეურვეო საბჭოს წევრი, ქართველთა შორის წერა–კითხვის გამავრცელებელი საზოგადოების წევრი

ქართული კლუბის საზაფხულო შენობაში გაიმართა ქართველ ვაჭარ-მრეწველთა კრება, რომელსაც 200-მდე ადამიანი დაესწრო.კრება გახსნა თავჯდომარე იასონ ლორთქიფანიძემ, მას ესწრებოდნენ ეროვნულ-დემოკრატიული პარტიის მთავარი კომიტეტის წევრები ალექსანდრე ასათიანი, იოსებ მაჭავარიანი და შალვა ქარუმიძე. გამოითქვა იმედი, რომ საქართველოს მწარმოებლები მტკიცედ შეუდგებოდნენ მუშაობას და ხელს შეუწყობდნენ საქართველოს ეკონომიკურ აღორძინებას, რაც ქვეყანას გააძლიერებდა. კრებამ მოისმინა და დაამტკიცა ხარჯთაღრიცხვა , რის შემდეგაც შეუდგა კავშირის გამგეობისა და საბჭოსა არჩევნებს.თავჯდომარედ დასახელდა ალექსანდრე ჯაბადარი და ნიკოლოზ წვერავა, გამგეობის წევრებად დათიკო კალანდაძე , ნიკოლოზ გაბაშვილი და სხვ.

წყარო: საქართველო , 1918 | 4 ივნისი
წყაროს ტიპი: პერიოდიკა
გამოცემის ადგილი: თბილისი
ენა: ქართული
დაცულია: საქართველოს პარლამენტის ეროვნული ბიბლიოთეკა