წერეთელი

მთავლიტის რწმუნებული სტამბა „კომუნისტთან“

საქ. კ.პ. (ბ) ცენტრალური კომიტეტის დადგენილებით, რევოლუციური სიფხიზლის მოდუნებისათვის გაზეთების „ახალგაზრდა კომუნისტი“ და „საქართველოს შინამრეწველი“ რედაქტორებს გამოეცხადოთ სასტიკი საყვედური და დათხოვნილ იქნან სამსახურიდან. მიენდოს ა.-კ. რკინიგზის პოლიტგანყოფილების უფროსს, ამხ. პავერმანს განიხილოს გაზეთის „სტალინური ლოკომოტივი“ რედაქტორის საკითხი, რომელმაც დაუშვა ისეთი გაზეთის გავრცელება, რომელშიც დამახინჯებული იყო ამხ. სტალინის სიტყვა. სტამბა „კომუნისტის“ დირექტორს, ნაზარეტიანს გამოეცხადოს სასტიკი საყვედური, მოიხსნას დაკავებული თანამდებობიდან და გადაყვანილი იქნას სტამბის საამქროს გამგედ. მთავლიტის რწმუნებულებს გაზეთ „კომუნისტთან“, წერეთელსა და პატარაიას გამოეცხადოთ სასტიკი საყვედური. მიეთითოს საქ. მთავლიტის უფროსს, ამხ. რუხაძეს, რომ უმნიშვნელოვანესი პოლიტ. დოკუმენტების ბეჭდვის შემოწმება სუსტად არის დაყენებული.

წყარო: კომუნისტი, 1935 | 6 დეკემბერი
წყაროს ტიპი: პერიოდიკა
გამოცემის ადგილი: თბილისი
ენა: ქართული
დაცულია: საქართველოს პარლამენტის ეროვნული ბიბლიოთეკა